Berikut adalah Lirik dari lagu berjudul Karena Dia yang dibawakan oleh Ebeng Acom feat. KidRose & Rama Rastavari.
Verse :
Bagemana.. se pung kabar nona?
Smoga di sana se bahagia..
Manyasal ka su kanal deng beta..?
Jang marah beta cuma tanya..
Spanjang jalan.. beta rasa sunyi..
Seng ada lai se pung senyum di sini..
Mungkin malam ini cuma rindu..
Yang beta biking tulis par lagu..
Pre Chorus :
Mangapa susah par lupa?
Dia yang dolo datang janjikan beta bahagia..
Mangapa susah par lupa?
Dia yang dolo datang lalu kastinggal luka baru..
Chorus :
Beta masih berusaha par lupa se..
Karna dia su biking se pi kastinggal beta..
Smoga saja se seng rasa
Apa yang beta rasa..
Se pung cinta yang se jaga
La dapa balas deng luka..
Verse :
Bakira langkah beta pi tapeper ka tepian
Tundu seka pipi rasa diri pung kasiang
Hongi di kapala mar beta diam
Sakali ka mangkali ka tatoki kesekian
Sarambang kawal rasa dari awal beta paparipi
Pulang sayang bet tar ulang sayang
Meski beta sayang ale tar sadiki
Sadar beta pung sabar su parcuma..
Yang beta jaga bukang beta punya..
Ale su deng dia, smoga bahagia
Biar tahang saki beta lia
Mar sondor niat par bale..
Hati su ancor panggal e..
Smoga kambar bae bukang luka
Sama hal deng beta tarkanal akang di muka
Bukang cuma putus layang mar lanjar banang
Demi se pung bahagia, demi ale pung sanang
Pre Chorus :
Mangapa susah par lupa?
Dia yang dolo datang janjikan beta bahagia..
Mangapa susah par lupa?
Dia yang dolo datang lalu kastinggal luka baru..
Chorus :
Beta masih berusaha par lupa se..
Karna dia su biking se pi kastinggal beta..
Smoga saja se seng rasa
Apa yang beta rasa..
Se pung cinta yang se jaga
La dapa balas deng luka..
Verse :
Omba bawa anyo beta punya rasa akang pi ka lau
Deng sabang hari beta tahang hati
Inga nona yang su jau
Tagal dia.. sampe se lupa..
Kal beta yang slalu ada
Par sapu se pung aer mata
Mar se balas samua deng luka
Smoga se seng rasa yang beta rasa nona
Cukup jua pigi deng dia asal par se sanang
Cinta yang dolo su seng sama lai deng sakarang
Jang parnah se tanya
Aer mata yang tumpah su barapa banya
Tar sadiki rasa nona
Beta taru harapan deng sgala usaha
Mar bisa apa kalo dia yang se pilih
Biar jua beta tahang saki ni sasandiri
Jang datang lai
Beta pung hati su seng ada ruang
Jadi jang datang lai
Beta bukang rumah tampa se pulang
Be coba ikhlas par ose pigi deng dia
Demi se pung bae nona, demi se pung bahagia
Chorus :
Beta masih berusaha par lupa se..
Karna dia su biking se pi kastinggal beta..
Smoga saja se seng rasa
Apa yang beta rasa..
Se pung cinta yang se jaga
La dapa balas deng luka..
Outro :
Ajar beta par lupa se nona..
Biar luka ini sandiri beta yang rasa..
Asalkan se deng dia di sana bahagia.. (uuuu)
Seng mungkin beta tunggu se pulang..
Ulang samua biar beta berjuang..
Par lupa se nona..
Lupa katong pung carita..
Credits
- Vocal : Ebeng Acom, KidRose, Rama Rastavari
- Songwriter : Ebeng Acom, KidRose, Rama Rastavari
- Music Arranger and Producer : Ebeng Acom