Berikut adalah Lirik dari lagu berjudul Tamse Rumoh yang dibawakan oleh Ulvazilla ft. Nazar Shah Alam.
Verse :
Gleh ie calok mangat tamano
Sigoe-goe bak ta rah muka bang oi..
Gaseh gob cok di dalam jaro
So han moe tijoh ie mata o bang..
Deuh guna bu bang meulikeu kanot
Deuh yang got meulikeu mata bang oi..
Ban ka leubeh la kadicok le gop
Sang teutop hate lon rasa..
Ban ka leubeh dek ka teuka ureung
Jiba peudeung meudarah mata dek oi..
Tanyoe meuprang peutimang mideun
Troh gob teun ijak cok laba o dek..
Tuwo keu krung teumpat jimano
Bak jiwo dek ji rah muka dek oi..
Abeh mameh tube bak ujong
Ji boeh lon ka abeh guna..
Chorus :
Pucok jaloh phet.. putik pisang klat..
Ka ji-ek ulat pucok on muda..
Takeubah saket.. tamita mangat..
Aleh pat ubat jeut keu peunawa..
Music
Verse :
Cok merante tacok keu tameh
Tanyeh-nyeh takoh-koh dua cok bang..
Cawan bate bek tabi cumeh
Bek peuweh cawan suasa o bang..
Nyoe keu kanda beu dumpu leubeh
Bek jiweh meusaboh angka bang oi..
Sineuk gareh gaseh bek kureung
Lon bileung tip jeut kutika..
Cok lah cok keu papeun
Plah-plah bak rambong
Keu bubong jeut on meuriya cok dek..
Cupe pingan bek tabi beukah
Bek teuplah bak jaro gata o dek..
Saket gata jeut ulon tanggong
Rela lon nyang peunyum luka dek oi..
Bandum seunang keu gata lon bi
Lon peusi gata bak bala..
Chorus :
Lon anggap gata.. seubago tampong..
Bak lon peulindong harta ngon benda..
Lon tamse gata.. si tameh teungoh..
Sang reuloh rumoh nyoe gata bungka..
Credits
- Title Song : Tamse Rumoh
- Artist : Ulvazilla Ft Nazar Shah Alam
- Composer : Nazar Shah Alam & Samy Asa
- Lyricist : Nazar Shah Alam
- Studio Musician : Noval Wayarabi
- Mixing & Mastering : Noval Wayarabi
- Music Studio : Studiosa