Berikut adalah Lirik dari lagu berjudul Baku Bawa yang dibawakan oleh M.A.C.
Verse :
Su dari lama
Su dari lama sa dekat dengan ko..
Dari pagi sampai malam
Rajin kasih kabar macam ada pacaran
Oh sayang.. rasa ini mo bawa kemana..?
Mo kasih ke siapa..?
Sa bingung dan bingung
Hubungan apa ka ini?
Chorus :
Su lama jalan tapi status tarada
Semua tau kalo tong baku bawa
Tong baku piara
Baku sayang tapi sebagai apa?
Kalo memang ko tu hanya mau main-main saja
Ko bilang e supaya jang sa jaga hati ini
Tra boleh nyaman
Sa takut sayang baru ko menghilang..
Music
Verse :
Ya, pagi dapa pap
Siang sampai malam juga macam dapa strap
Baku-baku bawa dong pu slak
Kalo su cemburu pasti sa yang dapa serang
Bukan pacar juga mo jadi jang terlalu lebay
Bah say, ko bilang sa jang terlalu ambisi
Ternyata baku bawa ini su jadi tradisi
Jayapura seh janji macam visi misi
Tapi semua sa trima tra sesuai kisi-kisi
Ini parah, tra usah kalo cuma penasaran
Sa saran lebih baik jang jadikan sasaran
Jadi mendingan skip kalo sebatas sandaran
Meski ko yang sempat dulu
Su pernah jadi andalan, ha
Chorus :
Su lama jalan tapi status tarada
Semua tau kalo tong baku bawa
Tong baku piara
Baku sayang tapi sebagai apa?
Kalo memang ko tu hanya mau main-main saja
Ko bilang e supaya jang sa jaga hati ini
Tra boleh nyaman
Sa takut sayang baru ko menghilang..
Music
Verse :
Bah, sayang e ko pu cara mati e
Tong su lama jalani tapi masih begini
Sampai kapan sa mau tunggu
Tolong kasih kepastian
Jang stelan baku bawa jadikan sa pelarian
Japrax ni de luas
Jang ko bikin sa panas
Tara tipu sayang nanti ko tampias
Kalo model kaya ko di Waena juga banyak
Stop kasih tunjuk kelakuan yang tra layak
Kalo tra bisa janganlah dipaksa
Lama kelamaan juga hati ni gelisah
Tra capek ka kaya perem tersiksa
Atau terserah kalo memang mau tong pisah
Oh, kala-kala dari bucin
Su macam orang kawin
Tiap hari baku calling
Kepala jadi pusing
Padahal tra pernah ada tembak menembak
Ko pu isi hati tu terlalu susah di tebak
Ado tolong jang ko bikin sa pikiran ni kaco
Tong dua lanjut ka berhenti
Ato begini-begini saja sampai Tuhan datang
Baku bawa, baku jaga, baku sayang
Tanpa ikatan cinta
Yang ko rasa apa?
Trus sa ini siapa?
Ko manjakan saya
Ne ado teman apa yang begini?
Se do hubungan apakah ini..?
Chorus :
Su lama jalan tapi status tarada (uuh..)
Semua tau kalo tong baku bawa (uuh..)
(baku bawa)
Tong baku piara (baku piara)
Baku sayang tapi sebagai apa?
(baku sayang..)
Kalo memang ko tu hanya mau main-main saja
Ko bilang e supaya jang sa jaga hati ini
Tra boleh nyaman
Sa takut sayang baru ko menghilang..
Credits
- Title : Baku Bawa
- Performed by : M.A.C (Elmar, Aldi, Alfian, Mor)
- Composer : Morde Sawaki
- Mixing & Mastering : Morde Sawaki
- Tahun Produksi : 2024